Хойд Америкийн Үндэсний сагсанбөмбөгийн холбоо "Улирлын үнэ цэнэтэй тоглогч" /Most valuable player буюу MVP/-ийн шагналаа домогт сагсанбөмбөгч Майкл Жорданы нэрэмжит болгожээ. Шагнал өмнө нь ҮСБХ-ны анхны комиссар Морис Подолоффын нэрэмжит байсан юм.
Майкл Жорданы нэрэмжит цом 23.6 дюйм өндөр, 23.6 фунт жинтэй байх бөгөөд энэ нь Майклын хувийн дугаар болон ҮСБХ-нд аваргалсан тоог бэлгэдэж байгаа аж. Майкл Жорданы хувьд, цомыг хүн дүрстэй байхыг дэмжсэн ч өөрийнх нь баримал байхыг таашаагаагүй гэнэ.
Шинэ цомын дизайн
Майкл Жордан нь "Чикаго буллз" багийн бүрэлдэхүүнд ҮСБХ-ны аварга цолыг зургаан удаа хүртэхдээ тухай бүрт нь "Плей оффын шилдэг тоглогч"-оор шалгарсан /Энэ шагналыг аваргалсан багийн лидер тоглогч хүртдэг бичигдээгүй хуультай/. "Улирлын үнэ цэнэтэй тоглогч"-оор тав, "Бүх оддын тоглолт"-ын шилдэг тоглогчоор гурван удаа шалгарч байв.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.