Вагнер хувийн цэргийн группийн ахлагч Евгений Пригожин бослого гаргаснаасаа гурван өдрийн дараа Беларусьт хүрэлцэн иржээ. Сүүлийн гурван өдөр түүний оршин байгаа газар тодорхойгүй байсан юм. Мягмар гарагт (2023.06.27) түүний хувийн нисэх онгоц Беларусийн нийслэл Минск хот руу нисэж байгааг шинжээчид илрүүлсэн аж.
Энэхүү мэдээлэл гарсны дараа Александр Лукашенко “Үнэн, тэр өнөөдөр Беларусьт ирсэн” гэж баталжээ. Лукашенко Вагнерын цэргүүд ахлагчаа дагахыг хүсвэл ашиглалтаас гарсан цэргийн баазад ирж байрлаж болно гэсэн юм. Мөн тус бүлгийн цэргүүдэд ОХУ-ын Зэвсэгт хүчинд нэгдэх боломж байгаа билээ.
Беларусьтай хиллэдэг НАТО-гийн гишүүн Польш, Латви, Литва орнууд Вагнерын гишүүд тус улсад хүрэлцэн ирэх нь асуудал дагуулж магадгүй гэжээ. Литвийн Ерөнхийлөгчийн зөвлөх хөлсний цэргүүд хорлон сүйтгэх ажиллагаанд оролцож болзошгүй тул аюултай гэж хэлсэн байна.
Эх сурвалж: BBC
Б.БУЯНДОРЖ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.