2024 оны УИХ-ын ээлжит сонгуульд Үнэн ба зөв намаас нэр дэвшиж буй Н.Нямбаяр Сэлэнгэ аймгийн төвөөр портер машины тэвш дээр зогсож сурталчилгаа хийхэд торголоо хэмээх утгатай бичлэг нийтэлсэн.
Тодруулбал, цахим орчинд зургаадугаар сарын 13-ны өдөр нэр бүхий цахим хаягаас “Сэлэнгэ аймагт сурталчилгаагаа хийж яваад авто тээврийн цагдаад торгууллаа. ... ижил тэгш гараанаас сонгуульд өрсөлдөх боломж байхгүй байна” гэсэн гарчигтай видео мэдээлэл нийтлэгдсэн.
Уг гэмт хэрэг, зөрчлийн шинжтэй үйлдэлд Сэлэнгэ аймгийн Замын цагдаагийн хэлтсээс энэ сарын 19-ний өдөр зөрчил шалган шийдвэрлэх ажиллагаа явуулж Замын хөдөлгөөний аюулгүй байдлын тухай хуульд зааснаар хүн тээвэрлэх журам зөрчсөн иргэн “Б”-ийн үйлдэлд Зөрчлийн тухай хуулийн 14.7 дугаар зүйлийн 45 дахь хэсэгт зааснаар 50 нэгжээр торгох шийтгэл оногдуулж шийдвэрлэсэн гэж ЦЕГ-аас мэдээллээ.
Б.ХАШ-ИЛД
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.