2011 онд бүтээгдсэн “Minecraft” видео тоглоомоос сэдэвлэн бүтээсэн кино нээлтээ хийснээсээ хойш 162.7 сая ам.долларын ашиг орлого олжээ. Кино шүүмжлэгчид Warner Bros. Pictures-ийн “Minecraft кино” нь 60 сая ам.долларын орлого олох байх хэмээн таамаглаж байсныгаа эхний үзвэрийн дараа 100 сая ам.доллар болгон нэмэгдүүлсэн ч ийн таамгийг эвдсэн байна.
“Энэ оны хамгийн анхны хүлээлтээс давсан томоохон нээлт боллоо” хэмээн Comscore-ийн ахлах шинжээч Пол Дергарабедян CNN-д ярьжээ. “Minecraft кино” нь Disney-ийн “Ахмад Америк: Шинэ ертөнцийн зориг” киног давж, 2025 оны нээлтийн ашиг орлогоороо тэргүүлсэн кино болж чадсан байна.
“Тасалбарын урьдчилсан борлуулалт кино нээлтээ хийхээс өмнө өдөр ирэх тусам нэмэгдсээр байсан” хэмээн Fandango-гийн захирал Box Office Theory-ийн үүсгэн байгуулагч Шон Роббинс яриандаа онцолсон юм. Мөн тэрбээр “Коллежийн оюутнууд болон дунд сургуулийнхны хаврын амралттай таарсан нь ийнхүү тус киноны нээлтийн амжилтад нөлөөлсөн” гэв.
Т.БАТСҮРЭН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.