Жил бүр уламжлал болон зохион байгуулагддаг "Утгын чимэг” богино өгүүллэгийн наадам өчигдөр /2020.01.09/ болж өнгөрлөө. Монгол Улсын Соёлын гавьяат зүтгэлтэн, "Утгын чимэг” наадмын хошой тэргүүн шагналт Д.Намсрайгийн нэрэмжит "Утгын чимэг-2019” богино өгүүллэгийн наадамд 65 өгүүллэг ирснээс хоёрын даваанд шигшигдэж үлдсэн 10 өгүүллэгийг уран уншигчид уншсан байна.
Наадмын Тэргүүн байрт Төрийн шагналт зохиолч Далхаагийн Норовын "Хэрээний нулимс” өгүүллэг шалгарчээ. Дэд байрт МЗЭ-ийн шагналт зохиолч, яруу найрагч Пүрэвхүүгийн Батхуягийн "Цаггүй газар” өгүүллэг, гуравт Соёрхын Пүрэвсүрэнгийн "Аав, хүү хоёр” өгүүллэг нэрлэгдэж, "Утгын чимэг-2019” наадмын "Шилдэг уран уншигч”-аар Соёлын тэргүүний ажилтан А.Даваа тодорсон байна.
Г.ИТГЭЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.