ШШГЕГ-ын дарга Б.Нандинболорыг үүрэгт ажлаас нь чөлөөлжээ

Шүүхийн шийдвэр гүйцэтгэх ерөнхий газрын дарга, хурандаа Б.Нандинболорыг үүрэгт ажлаас нь чөлөөлжээ. Түүний оронд ШШГЕГ-ын дэд дарга А.Намсаманд үүрэг гүйцэтгэгчээр томилогдсон байна.

Одоогоор Б.Нандинболорыг ямар шалтгаанаар ажлаас чөлөөлсөн нь тодорхойгүй байгаа юм. Б.Нандинболорыг 2024 оны дөрөвдүгээр сарын 3-ны Засгийн газрын хуралдаанаар ШШГЕГ-ын даргаар томилж байсан билээ.

Түүний намтар, танилцуулгыг хүргэж байна.

Төгссөн сургууль, дамжаа:

• Цагдаагийн академийг эрх зүйч мэргэжлээр төгссөн.
• Удирдлагын академийн Төрийн Захиргааны ахлах түшмэлийн мэргэжил дээшлүүлэх сургалтад хамрагдсан.

Эрхэлж байсан ажил, албан тушаал, ажлын туршлага:

• Хэнтий аймгийн Засаг даргын дэргэдэх цагдаагийн газрын Цагдан хорих байрны хэв журмын тасагт цагдаа;
• Хэнтий аймгийн засаг даргын дэргэдэх цагдаагийн газарт мөрдөн байцаагч;
• Чингэлтэй дүүргийн Засаг даргын дэргэдэх цагдаагийн хэлтсийн Мөрдөн байцаах нэгдүгээр тасагт мөрдөн байцаагч;
• Авлигатай тэмцэх газрын Мөрдөн шалгах хэлтэст мөрдөн байцаагч;
• Хэнтий аймаг дахь Шүүхийн шийдвэр гүйцэтгэх газар-419 дүгээр нээлттэй хорих ангийн дарга;
• Цагдаагийн ерөнхий газрын Хяналт-шалгалт, дүн шинжилгээ, дотоод аудитын хэлтэст ахлах байцаагч;
• Авлигатай тэмцэх газрын Мөрдөн шалгах хэлтэст ахлах мөрдөгч, ахлах комиссар;
• Шүүхийн шийдвэр гүйцэтгэх ерөнхий газрын харьяа Хорих ял эдлүүлэх албаны дарга;

Хууль зүй, дотоод хэргийн сайдын 2022.5.25-ны өдрийн Б/09 дүгээр тушаалаар Шүүхийн шийдвэр гүйцэтгэх газрын Тэргүүн дэд дарга бөгөөд Хорих ял эдлүүлэх албаны даргаар томилогдон ажиллаж байна.

Өөрийн сэтгэгдлээ илэрхийл

Share Tweet