Англи хэлтэй малчин Б.Орхон: 100 мянган дагагчтай болсноор мөрөөдөлдөө ганц алхам ойртлоо
Одоогоос найман сарын өмнө буюу дөрөвдүгээр сард малчны хотноос дэлхийн хэмжээний нөлөөлөгч болох хүсэлтэй эхэлсэн Б.Орхон өөрийн цахим хуудаснаа 100 мянган дагагчтай болжээ. Тэрбээр Өвөрхангай аймгийн Хужирт сумын малчин юм.
Энэ тухай Б.Орхон өөрийн цахим хуудаснаа "Найман сарын өмнө монгол малчны өдөр тутмын амьдралын дэлхий нийтэд сурталчлан таниулах зорилготой эхэлж байлаа. Дэлхийн хэмжээний нөлөөлөгч болж малчны амьдралыг таниулах нь миний мөрөөдөл. Тэр мөрөөдөлдөө ганц болов алхам ойртож цахим хуудаснаа 100 мянган дагагчтай болжээ. Та бүхэндээ баярлалаа, цаашид улам сонирхолтой контентыг хүргэх болно" гэлээ.
Ташрамд дурдахад Б.Орхон англи хэлтэй малчин гэх нэрээр анх олонд танигдсан юм. Түүнчлэн хөдөө цэвэр агаарт малчны хотонд хүүхдүүдэд англи хэл заах сургалт явуулдаг билээ.
Б.АЗЖАРГАЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Сайн байна гэхдээ ёс зүйтэй,өөрийн гэсэн хэм хэмжээтэй байгаарай. Тэнэгрэлд битгий ороорой. Монголд тэнэгрэл замаа алдлаж байгаа шүү.
Зөв санаа байна. Манайхан олон дагачтай болмогцоо “тэнэг, солиотой”
болцгоодог.
Гоё шүү гоё жуулчин ирэхэд англиар яриад инээгээд ханиагаад жинхэнэ гайхшруулна шүү дээ амжилт мисс