Өчигдөр /2020.03.12/ Америкийн нэрт продюсер Харви Уайнштейнийг бэлгийн хүчирхийлэл үйлдсэн хэрэгт буруутгаж, түүнд 23 жилийн хорих ял оноожээ.
Уэйнштэйний компанид туслах ажилтнаар ажиллаж байхдаа 2006 онд түүний хүчирхийлэлд өртсөн гэж шүүхэд гомдол гаргасан Мириам Халэй, 2013 онд мөн хохирогч болсон жүжигчин Жессика Манн нарын мэдүүлэгт үндэслэн ийнхүү шийдвэрлэжээ. Шүүх хуралд өөр эмэгтэйчүүд оролцож, Уэйнштейнийг хүчирхийлэл үйлдсэн хэмээн мэдэгдсэн ч хөөн хэлэлцэх хугацаа дууссаны улмаас тэдний мэдүүлгийг хэргийн үндсэн материалд оруулаагүй байна.
2017 оны 10 дугаар сард “The New York Times” сонинд Уэйнштейнийг олон эмэгтэйд бэлгийн дарамт үзүүлсэн гэх материал нийтлэгдсэн аж. Уг хэвлэлд бичсэнээр, тэрээр амжилтад хүргэж, од болгох нэрийдлээр олон эмэгтэйд бэлгийн дарамт үзүүлсэн хэрэгт буруутгагдан 2018 оны тавдугаар сард баривчлагдаж байжээ.
Үүнээс хойш Анжелина Жоли, Гвинет Пэлтроу, Салма Хайек зэрэг 80 гаруй эмэгтэй жүжигчин түүний хүчирхийлэлд өртөж байснаа мэдэгдсэн байна.
ЭХ СУРВАЛЖ: cnn.com
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.