Архангай аймгийн Батцэнгэл суманд коронавирусийн сэжигтэй тохиолдол бүртгэгдэж, хөл хорио тогтоосон. Тухайн иргэн нь халдвартай иргэний ойрын хавьтал бөгөөд энэ сарын 15-ны өдөр Улаанбаатар хотоос тус суманд очсон аж.
Түүний ойрын хавьтал болох 43 иргэнийг тусгаарлаж тус суманд тусгаарласан байна. Тэдгээр иргэдээс шинжилгээ авахад бүх шинжилгээний хариу сөрөг гарчээ.
Дөнгөж сая тус аймгийн онцгой комиссоос тодруулахад PCR шинжилгээний хариу Улаанбаатараас хараахан ирээгүй байна гэсэн юм. Харин энэ талаар ХӨСҮТ-ийн захирал Д.Нямхүүгээс тодрууллаа. Тэрбээр “Шинжилгээний хариу гарсан. Эерэг гарлаа” гэв.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.