Жүдо бөхийн эрэгтэйчүүдийн 66 кг-д Япон улс Токиогийн олимпийн дэвжээнд хэнийг сойх нь олны анхаарлыг ихээхэн татаж байв. Дэлхийн хошой аварга Хифүми Абэ юү, өнгөрсөн жилийн дэлхийн аварга Жошиоро Марүяма юу.
Тэднийг хэнийг олимпод сойхыг сонгох халз барилдаан өчигдөр Токиогийн “Кодакон” ордонд болов.
Риогийн олимпоос хойш тэд хоорондоо дөрөв барилдахад Абэ 2017, 2018 оны Осакагийн “Их дуулгад”, Марүяма өнгөрсөн жил Бүх Японы АШТ, ДАШТ-ий шигшээд ялсан. Ингэснээр тэдний ялалтын харьцаа 2:2 болоод байв.
Энэ удаа хайнаагаа хагаллаа. Тэгэхдээ бүр замналынхаа хамгийн хариуцлага барилдаануудын нэгийг хийв.
25 минут үргэлжилсэн барилдаанд Хифүми Абэ ялж, Токиогийн дэвжээнд зодоглох эрх авав. Харин Марүяма дэргэдээс нь үзэн, дээлийнх нь захыг мушгихаас өөр аргагүй боллоо.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.