УЛС ТӨР
28-р тойргийн нөхөн сонгуулийг Ерөнхийлөгчийн сонгуулийн зардалд багтааж хийнэ
УИХ-ын чуулганы нэгдсэн хуралдаан болж байна.
Үүгээр “Монгол Улсын Ерөнхийлөгчийн 2021 оны ээлжит сонгуулийг товлон зарлах, санал авах өдрийг тогтоох тухай” тогтоолын төслийг хэлэлцэж байна.
Энэ талаар СЕХ-ны дарга П.Мягмарнаран дараах тайлбарыг өглөө.
“УИХ-ын 28-р тойргийн нөхөн сонгуулийг Ерөнхийлөгчийн сонгуультай хамт нэг өдөр зохион байгуулна. Ингэхдээ зардлыг нь ч мөн багтаана. Ерөнхийлөгчийн сонгууль 26 тэрбум төгрөгөөр хийгдэнэ, төсөвт суусан. Харин 28-р тойргийн сонгуулийн зардал 900 орчим сая төгрөг болж байна.
Харин одоогийн Ерөнхийлөгч дахин нэр дэвших боломжтой эсэхийг бид шийдэхгүй. Бид нэр дэвшүүлсэн хүнийг л бүртгэж авах л үүрэгтэй” гэлээ.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.