НИЙГЭМ

Монголын ноос ноолуурын холбоо MNS ISO/IEC 17065:2013 стандартаар итгэмжлэгдлээ

Монгол Улсын Засгийн газраас баталсан “Үндэсний чанарын хөтөлбөр”-ийн хүрээнд Үндэсний итгэмжлэлийн төвөөс баталгаажуулалт, тохирлын үнэлгээний тогтолцоог бий болгохоор Монголын ноос ноолуурын холбооны дэргэдэх Баталгаажуулалтын албыг MNS ISO/IEC 17065:2013 стандартын дагуу итгэмжилж, ноос ноолуурын салбарын тохирлын үнэлгээний ажлыг хариуцан гүйцэтгэх итгэмжлэгдсэн байгууллагаар тодорхойлж, итгэмжлэлийн гэрчилгээг гардуулан өглөө.

Энэхүү үйл ажиллагаанд ХХААХҮЯ-ны Хөнгөн үйлдвэрийн бодлогын хэрэгжилтийг зохицуулах газрын дарга М.Дондогдорж, Үндэсний итгэмжлэлийн төвийн дарга С.Соронзонболд, Азийн хөгжлийн банкны ХАА-н нэмүү өртгийн сүлжээг дэмжих төслийн зохицуулагч Т.Энхжаргал, тус төслийн ноос ноолуурын зөвлөх Ц.Хишигжаргал, Монголын ноос ноолуурын холбооны дэргэдэх Баталгаажуулалтын албаны дарга Б.Баясгалан нар оролцлоо.

ХХААХҮЯ-ны Хөнгөн үйлдвэрийн бодлогын хэрэгжилтийг зохицуулах газрын дарга М.Дондогдорж “Азийн хөгжлийн банкны ХАА-н нэмүү өртгийн сүлжээг дэмжих төсөл болон Үндэсний итгэмжлэлийн төвийн хамт олонд талархал илэрхийлээд итгэмжлэлийн гэрчилгээ олгож байгаа нь Монголын ноос ноолуурын салбарт экспортыг нэмэгдүүлэх томоохон алхам” гэдгийг онцолсон юм.

Дэлхий нийтээр чанартай, гарал үүсэл нь тодорхой, байгальд ээлтэй, нийгмийн хариуцлага, тогтвортой үйлдвэрлэлийг эрхэмлэж байгаа энэ цаг үед Ноос ноолуурын холбооны дэргэдэх Баталгаажуулалтын албанд итгэмжлэл олгож буй нь Монгол ноос ноолуурын онцлог, давуу талыг таниулах, нэр хүндийг өргөж дэлхийн зах зээлд өрсөлдөх боломжийг нэмэгдүүлэх, стандартын шаардлага хангасан бүтээгдэхүүнийг дотоод, гадаадын зах зээлд нийлүүлэх ач холбогдолтой юм.

Эх сурвалж: Хүнс, хөдөө аж ахуй, хөнгөн үйлдвэрийн яам

Энэ мэдээнд таны өгөх үнэлгээ
Like
Love
Haha
Wow
Sad
Angry
Таг

Холбоотой мэдээ

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button