СПОРТ

“Ази Фарм” компани лигийн аварга “Атлетик 220” клубтай хамтран ажиллана

“Ази Фарм” ХХК Үндэсний Дээд Лигийн аварга “Атлетик 220” клубыг дэмжин ажиллахаар боллоо. Өчигдөр “Ази Фарм”ХХК-ийн гүйцэтгэх захирал М.Энхсайхан “Атлетик 220” клубын гүйцэтгэх захирал Б.Эрдэнэбат нар хамтран ажиллах гэрээнд гарын үсэг зурсан байна.

Хамтын ажиллагааны хүрээнд “Ази Фарм” ХХК тамирчдын дархлааг дэмжих зорилгоор шаардлагатай амин дэм, эрдэс болон амин хүчлүүдийг агуулсан витаминуудаар хангах юм. Мөн тамирчдыг бэртэл гэмтлээс урьдчилан сэргийлэх зорилгоор Английн “KEDLEY” брэндийн хамгаалалтуудаар /шагай, өвдөг, булчин, нуруу/ хангахаар болжээ.

Үүнээс гадна тамирчдын нөхөн сэргээлтэд шаардлагатай Герман улсын “BEURER” брэндийн шарлагын аппарат, амин үзүүлэлт үзэх аппарат, яаралтай тусламжийн үед үзүүлэх бүхий л шаардлагатай хэрэглэл, хэрэгслүүдээр хангахаар болсон байна.

“Атлетик 220” клуб 2020 онд Үндэсний Дээд Лигийн аварга болсноор Монгол улсаа төлөөлөн Азийн Хөлбөмбөгийн Холбооны клубүүдын аварга шалгаруулах “AFC Cup” тэмцээнд оролцох эрхтэй болсон юм. “Атлетик 220” клуб “AFC Cup” тэмцээний хэсгийн шатанд  Хонгконгийн лигийн дэд аварга “Eastern Long Lions FC”, Хонгконгийн лигийн хүрэл медальт “Lee Man FC”, Тайваны лигийн дэд аварга “Tainan City FC” клубүүдтэй өрсөлдөнө.

“Ази Фарм” ХХК 2002 онд байгуулагдсан цагаасаа эхлэн эм, эрүүл мэндийн бүтээгдэхүүн, эмнэлэгийн хэрэгслийн худалдаа, хадгалалт, тээвэрлэлт, ханган нийлүүлэлтийн үйл ажиллагааг тасралтгүй явуулж байгаа бөгөөд салбартаа тэргүүлэгч компани болж чадсан билээ.

Компанийн нийгмийн хариуцлагын хүрээнд үндсэн бодлогод тулгуурлан соёл урлаг, спорт болон нийгмийн үйл ажиллагааг дэмжин идэвхтэй ажилладаг байна. Энэ удаад “Ази Фарм” ХХК хөлбөмбөгийн спортод дэмжлэг үзүүлж “Атлетик 220” клубтэй хамтран ажиллахаар боллоо.

Энэ мэдээнд таны өгөх үнэлгээ
Like
Love
Haha
Wow
Sad
Angry
Таг

Холбоотой мэдээ

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button