ХУУЛЬ

“Гэрээсээ тогтмол орлоготой болно”, “виз гаргана” гэх заруудад итгэж 32 сая хүртэлх төгрөгөө залилуулжээ

Увс аймгийн прокурорын газраас  Эрүүгийн хуулийн тусгай ангийн 17.3 дугаар зүйлд заасан Залилах гэмт хэргийн гаралт, гэмт хэрэг үйлдэгдэж байгаа шалтгаан нөхцөлийг аймгийн хэмжээнд судлан, холбогдох арга хэмжээг авчээ.

Тус прокурорын газраас 2020, 2021 оны 2 дугаар сар хүртэлх хугацаанд бусдыг залилан мэхэлсэн нийт 16 эрүүгийн хэрэгт хяналт тавьжээ. Үүнээс 3 хэргийг яллах дүгнэлт үйлдэн шүүхэд шилжүүлж, 5 хэргийг хааж шийдвэрлэсэн бол 8 хэргийн мөрдөн шалгах ажиллагаа дуусаагүй байна.

Дээрх гэмт хэргүүдийн дийлэнх нь цахим орчинд буюу фэйсбүүк сүлжээнд үйлдэгджээ. Тухайлбал, иргэд мөнгө зээлэхийг хүссэн найзын хүсэлт, баримт бичиг хурдан шуурхай гаргаж өгнө, гадаадаас хямд үнэтэй бараа материал нийлүүлнэ, гэрээсээ ажиллаж тогтмол орлоготой болно, виз гаргаж өгнө гэсэн баталгаагүй хаягаас тавьсан заруудад итгэж 300 мянгаас 32 сая хүртэл төгрөгөөр хохирсон байна.

Судалгаагаар гэмт хэрэг үйлдэж буй хүмүүс иргэдийн гэнэн итгэмтгий, хайнга хайхрамжгүй зан, хууль эрх зүйн мэдлэг мэдээлэл дутмаг байдал болон амар хялбар аргаар ашиг, орлого олох, хурдан шуурхай үйлчилгээ авах гэсэн ашиг сонирхолд нь тулгуурлан гэмт үйлдлээ хэрэгжүүлж байгаа нь тогтоогджээ.

Тиймээс тус прокурорын газраас аймгийн Гэмт хэргээс урьдчилан сэргийлэх ажлыг зохицуулах салбар зөвлөлтэй хамтран цахим аргаар залилах гэмт хэргийн гаралтыг бууруулах, уг гэмт хэргээс урьдчилан сэргийлэх зорилгоор сэрэмжлүүлэг бүхий зурагт хуудас бэлтгэх, видео шторк гаргах зэрэг ажлыг хийхээр болсон байна.

Мөн орон нутгийн хэвлэл, мэдээллийн хэрэгслээр судалгаагаар тогтоогдсон нөхцөл байдал, урьдчилан сэргийлэх асуудлаар иргэдэд мэдээлэл өгөх ажлыг зохион байгуулжээ.

Энэ мэдээнд таны өгөх үнэлгээ
Like
Love
Haha
Wow
Sad
Angry
Таг

Холбоотой мэдээ

Нэг сэтгэгдэл

  1. svvliin ved ynz bvriin svljeenvvd utgaa aldlaa gerese orlogotoi bolno, baraa zarahgvi eneter gj hudlaa yrij hvmvvsiin tarhiig ugaaj bn. baraa zarahgvi svlhee gj haana bgan tiim ym bdag bol hvn bolgon elseed bayjaad amar bn bizde ajil hiih shaardlagagvi

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button