Засгийн газрын лхагва гаргийн ээлжит хуралдаан болж байна.
Хуралдаанаар тавдугаар сарын 8-наас гамшгаас хамгаалах Бүх нийтийн бэлэн зэргийг Нийслэлд ямар үе шаттайгаар бууруулах тухай болон бусад асуудлуудыг хэлэлцэж байна гэх мэдээлэл байгаа юм. УОК-ын зүгээс хөл хориог шууд сулруулахгүй, зарим салбарын ААН-үүдийн үйл ажиллагааг тодорхой хугацаанд үргэлжлүүлэн хязгаарлах бодлого баримталж буй гэдгээ илэрхийлсэн.
Харин Ерөнхий сайд Л.Оюун-Эрдэнийн хэвлэлийн төлөөлөгч өнөөдрийн хуралдаанаар:
-Коронавируст халдвар цар тахлын нөхцөл байдал, авч хэрэгжүүлж байгаа шуурхай хариу арга хэмжээ,
-Эрүүл мэндээ хамгаалж, эдийн засгаа сэргээх 10 их наядын цогц төлөвлөгөөний хэрэгжилт,
-Гамшгаас хамгаалах өндөржүүлсэн бэлэн байдлын зэрэгт шилжүүлэх тухай,
-Коронавируст халдварын вакцинжуулалтыг эрчимжүүлэх тухай,
-Баянзүрх дүүрэгт эмнэлэг шинээр байгуулах талаар зэрэг 20 гаруй асуудал хэлэлцэхээр төлөвлөөд байна гэж мэдээлжээ.
Засгийн газрын хуралдааны шийдвэрийг эргэн мэдээлнэ.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.