Иван Ярыгиний нэрэмжит Гранпри тэмцээнээс манай бөхчүүд өчигдөр хоёр алт, нэг мөнгөн медаль хүртсэн билээ. Тэгвэл гурав дахь өдөр буюу өчигдөр эмэгтэйчүүдийн 53 кг-ын жинд өсвөр үеийн Азийн АШТ-ий мөнгө, Дмитрий Миндиашвилигийн нэрэмжит тэмцээний хүрэл, УАШТ-ий нэг мөнгө, хошой хүрэл медальт ОУХМ Батхуягийн Хулан хүрэл медаль хүртэв.
Тэрбээр медальтай үлдэх эсэхээ шийдвэрлэх барилдаанд эзэн орны Лейла Карымоваг 5:2-оор ялав.
Харин 62 кг-д ОУХМ Э.Гантуяа хоёр ялж, хоёр ялагдсан ч медаль хүртэж чадсангүй. Тэрбээр Оросын хоёр бөхтэй ялалт, ялалтын харьцаа тэнцэж гурван биенээ тойрсон ч онооны чанараар медалийн гадна үлдсэн.
Өнөөдөр тэмцээний сүүлийн өдөр эрэгтэйчүүдийн 92 кг-ын жинд “Хасу-Мегастарс” клубийн тамирчин спортын мастер Д.Оргилох, эмэгтэйчүүдийн 68 кг-д гавьяат тамирчин О.Насанбурмаа нар хүрэл медалийн төлөө, 72 кг-д ОУХМ Э.Даваанасан хэсгийн сүүлийн барилдаанаа хийнэ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.