ЭРҮҮЛ МЭНД

ХӨСҮТ-ийн захирал асан Д.Нямхүүгийн нэхэмжлэлтэй шүүх хурал хоёр дахиа хойшиллоо

Эрүүл мэндийн сайд асан Т.Мөнхсайханы тушаалаар ХӨСҮТ-ийн захирал Д.Нямхүүг “Өргөө” амаржих газарт төрсөн эхийг ХӨСҮТ рүү шилжүүлэхдээ ноцтой алдаа гаргасан гэх шалтгаанаар өнгөрөгч нэгдүгээр 21-ний өдөр ажлаас нь чөлөөлсөн.

Өнгөрсөн хугацаанд нам жим байсан Д.Нямхүү эмч сайд солигдсоны дараа буюу өнгөрөгч хоёрдугаар сарын 18-нд Сүхбаатар, Чингэлтэй дүүргийн Иргэний хэргийн анхан шатны шүүхэд “Хууль бусаар ажлаас халагдсан” гэх ЭМЯ-нд холбогдох нэхэмжлэлийг гаргаад байв.

Улмаар өнгөрсөн тавдугаар сарын 27-нд Д.Нямхүүгийн нэхэмжлэлтэй шүүх хурал болох байсан ч ЭМЯ-ны хүсэлтээр хойшилсон.

Шалтгаан нь Яамны зүгээс “Шинэ төлөөлөгч нэмж томилсон, хэргийн материалтай танилцах хүсэлтэй байна” гэснээр шүүх хурлыг зургаадугаар сарын 11-ны 11:00 цаг хүртэл хойшлуулсан юм.

Тэгвэл өнөөдөр шүүх хурал болох байсан ч дахин хойшилжээ. Учир нь Эрүүл мэндийн яамнаас нэмж өмгөөлөгч авна гэх хүсэлт гаргаснаар хурлыг энэ сарын 22-ны 16.00 цаг хүртэл хойшлууллаа.

Энэ мэдээнд таны өгөх үнэлгээ
Like
Love
Haha
Wow
Sad
Angry
Таг

Холбоотой мэдээ

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button