Арабын Нэгдсэн Эмират Улс /АНЭУ/-ын Батлан Хамгаалахын сайд, Эрхэмсэг ноён Мохаммед бин Ахмед Аль Боварди Монгол Улсаас тус улсад суугаа Онц бөгөөд Бүрэн эрхт Элчин сайд Шижээхүүгийн Одонбаатарыг хүлээн авч уулзсан байна.
Талууд бүс нутаг болоод дэлхийн хэмжээнд өрнөж буй сүүлийн үеийн үйл явдал, харилцан сонирхсон олон асуудлаар санал солилцжээ.
Уулзалтаар найрсаг хоёр орны хамтын ашиг сонирхолд нийцүүлэн, ялангуяа цэрэг, батлан хамгаалах салбарын найрамдал, хамтын ажиллагааг бэхжүүлэх арга замыг авч хэлэлцсэн байна. Мөн уулзалтаар цэргийн туршлага солилцох талаар ярилцжээ.
Эх сурвалж: Canews
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.