Говь-Алтай аймгийн Дарви сумын гадаад хэлний багш, эко клубынхээ сурагчдын хамт зургаан булгийн эхийг сэргээж хамгаалжээ.
Тэд хашсан булгийнхаа эх дээр судалгаа, мониторинг хийж, мөн бусад ширгэх магадлал өндөртэй, мал амьтан ундаалдаг 5 булгийг малчид, сумын ард иргэд, Дэлхийн байгаль хамгаалах сан болон аймгийн БОАЖГ-тай хамтран хашиж хамгаалжээ.
Тодруулбал, Арьяагийн ус, Овоотын ус, Хүрээгийн ус, Улаан булаг, Эрдэнэтолгойн ус, Хавцгайн амны усны эхийг тэд хамгаалалтад авч, БОАЖЯ-нд мэдээллээ ирүүлэн салбарын сайдаа хүрэлцэн ирэхийг урьжээ.
Сурагчдын хашиж хамгаалсан "Улаанбулаг"-т нэн ховор эмийн ургамал "Гоёо" ургаж, өвс ургамал дэлгэрч, тухайн бүсийн мал амьтад ундаалдаг болсон зэрэг эерэг өөрчлөлтүүд гарч эхэлжээ.
Б.БАЯРТ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.