СЭРЭМЖЛҮҮЛЭГ: Манай улс “Денк-Эйр жуниор”эмийг зах зээлээс татахаа мэдэгдлээ

Дэнк-Эйр жуниор 4мг, 5мг зажилдаг эмийг хольцын хэмжээ зөвшөөрөгдөх хэмжээнээс хэтэрсэн шалтгаанаар зах зээлээс эргүүлэн татаж байна. Тус сэрэмжлүүлгийг ДЭМБ-аас гаргасан аж.

Иймд манай улс 26938 цуврал бүхий “Денк-Эйр жуниор” 4 мг зажилдаг шахмал эмийг зах зээлээс эргүүлэн татахаа мэдэгджээ.  

Тус эм бэлдмэлийг ханиад, харшил, халдварын үед хоёроос дээш насны хүүхэд хэрэглэх заалттай. Манай зах зээлд 35.5 мянган төгрөгөөр худалдаалдаг байна.  

Бэлдмэлийг хэрэглэх үед дараах гаж нөлөө илэрсэн байна. 

• Амьсгалын замын халдвар (байнга илрэх) 
• Цус алдах (ховор илрэх) 
• Нүүр, уруул, хэл, хоолой хавагнах байдлаар харшлын урвал илэрч улмаар амьсгаадах, залгихад бэрхшээлтэй болох (хааяа илрэх) 
• Хар дарах, нойргүйдэх, нойрондоо явах (хааяа илрэх)
• Салганах, анхаарал төвлөрүүлэлт буурах эмгэг, ой санамж алдагдах (ховор илрэх) 
• Толгой эргэх, нойрмоглох, чимчигнэх ба бадайрах, уналт илрэх (хааяа илрэх) 
• Зүрх дэлсэх (ховор илрэх) 
• Хамраас цус гоожих (хааяа илрэх), уушги хавагнах (үрэвсэл) (маш ховор илрэх) 
• Суулгах, дотор муухайрах, бөөлжих (олон илрэх)
• Ам цангах, хоол боловсруулах замын эмгэг өөрчлөлт илрэх (хааяа илрэх) 
• Элэгний үзүүлэлт ихсэх /элэгний үрэвсэл (гепатит) (маш ховор илрэх) 
• Тууралт гарах (олон илрэх),
• Хөхрөх, загатнах, чонон хөрвөстөх (хааяа илрэх)
• Арьсан дор мэдрэг улаан зангилаа гарах - голдуу шилбэн дээр гарах (зангилаат улайрал) 
• Үе ба булчин өвдөх, булчин агчих (хааяа илрэх) 
• Халуурах, бие сулрах/ядрах, бие тавгүйрхэх, хавагнах (хааяа илрэх). 
• Хэвлийгээр өвдөх 
• Толгой өвдөх 

О.ОНОН

Энэ мэдээнд өгөх таны үнэлгээ

Хуваалцаарай Жиргээрэй