АНУ-ын NBC телевиз "Saturday Night Live" инээдмийн шоуныхаа 50 дахь цувралыг энэ сарын сүүлчээр эхлүүлэх тов гарчээ. Тус шоуны хөгжмийн зочноор Ариана Гранде, Билли Эйлиш, Чаппелл Роан нар оролцох юм.
Америкийн орчин үеийн соёл, улс төрийг элэглэдэг энэ шоуны анги бүрийг алдарт зочид хөтөлдөг гэдгээрээ онцгой билээ.
Мөн шинэхэн "Эмми"-гийн шагналтан Жан Смарт энэхүү шоуг энэ сарын 28-нд Жейли Роллтой хамт нээхээр бэлтгэж байгаа аж.
Энэхүү инээдмийн шоу 1975 онд хамгийн анх NBC телевизээр гарч байжээ. Ирэх оны хоёрдугаар сард 50 жилийн ойн дугаараа шууд дамжуулалтаар цацах юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.