НИЙГЭМ
Д.Нямхүү: Халдвар авсан хоёр иргэн эдгэсэн гэдэг худал мэдээлэл
Халдвар авсан 10 иргэний хоёр нь эдгэсэн гэх мэдээлэл цахим ертөнцөд тархан, зарим сайтад нийтлэгдсэн.
Энэ талаар ХӨСҮТ-ийн дарга Д.Нямхүүгээс тодруулахад “Юу гэж ийм хурдан эдгэх вэ дээ. Тийм юм гэж хаана ч байхгүй. Дэлхий даяар нөхцөл байдал ямар байгааг иргэд сайн мэдэж байгаа. Гэтэл ийм худал мэдээлэл тарсанд гайхаж байна. Ёстой хэлэх үг алга. Хэрвээ үнэхээр хоёр иргэн эдгэсэн бол бид 11.00 цагт албан ёсоор мэдэгдэнэ шүү дээ.
Бид мэдээлээгүй, энэ талаар хэлээгүй бол тийм зүйл болоогүй л гэсэн үг. Энэ ташрамд цахим ертөнцөд тархаж буй элдэв мэдээлэлд цензуртай хандахыг иргэдээс, мэдээллээ үргэлж нягталж байгаад бичихийг хэвлэлийнхнээс хүсье” гэлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.