Коронавирусийн халдвар авсан Туркийн иргэн эдгэрсэн талаар ХӨСҮТ-ийн дарга Д.Нямхүү өнөөдөр албан ёсоор мэдээлсэн.
Тухайн иргэнийг ХӨСҮТ-ийн эмч Г.Дүвчинбаяр гардан эмчлээд эдгээжээ. Энэ талаар ХӨСҮТ-ийн дэд захирал М.Тунсаг цахим хуудсандаа “Баяртай мэдээ: Манай ХӨСҮТ-ийн эмч Г.Дүвчинбаяр гэх энэ бүсгүй Турк улсын иргэнийг гардан эмчилж, эдгээгээд өнөөдөр гаргалаа.
Эдгэрээд гарч буй Турк улсын иргэн гуравдугаар сарын 21-ээс хойш 33 хоног Covid-19-ийн эмчилгээнд орж, уг өвчтөнийг гардан эмчилсэн залуу эмчээрээ бахархахгүй байхын аргагүй ээ. Залуу эмчид маань урам өгч цааш түгээж өгөөрэй. Эрүүл энх, амар амгалан цаг удахгүй ирэх болтугай” гэжээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.