Лифтэнд зодуулж, хүчирхийлэлд өртсөн зургаа нийтэлсэн эмэгтэйн гомдлыг цагдаа шалгаж эхэллээ

Nandin Nandia хаягаас гэр бүлийн хүчирхийлэлд удаа дараа өртөж буйгаа нийгмийн сүлжээнд нийтэлж, тухайн мэдээллийн дагуу Цагдаагийн байгууллагаас шалгаж эхэлсэн тухай мэдээлсэн.

Тухайн эмэгтэй З.У гэх залуутай таван жилийн өмнө гэр бүлийн амьдрал зохиосон. Охиноо бодоод олон удаа уучилсан. З.У нь зоддог, гэрээсээ хөөдөг, гэрт нь амьдарсны мөнгө төл гэж шаарддаг. Аавынх руугаа явна гэхээр хутга тулгаж сүрдүүлж, чамайг алчихсан байхад ял эдлэхгүй гараад ирж чадна зэргээр сүрдүүлж мөн өөрийнхөө амийг хорлоно гэж янз бүрийн үйлдэл хийдэг тухай бичсэн.

Эмэгтэй энэ удаад оруулсан зураг бол зөвхөн нэг удаагийн зодуурыг илчлэх баримт хэмээсэн. Уг нийтлэлийн дагуу З.У-ын ээж нь хүүгээ өмөөрч байр сууриа илэрхийлэхэд эмэгтэй бас нэгэн зодолтыг илчлэх лифтний үүдэнд зодуулж буй бичлэг нийтэлсэн билээ.

ЦЕГ-аас уг нийтлэлийн дагуу З.У гэгчийг Сүхбаатар дүүргийн цагдаагийн газрын 1 хэлтэст шалгагдаж байгаа гэлээ.

Б.ХАШ-ИЛД

Өөрийн сэтгэгдлээ илэрхийл

Share Tweet