"Оюу толгой"-н ТУЗ: Э.Баясгаланг өөрт нь мэдэгдэлгүй чөлөөлж, оронд нь ЗГХЭГ-ын дэд дарга Д.Цолмонг томилжээ

Засгийн газрын өчигдрийн хуралдаанаар "Оюу толгой" ХХК-ийн ТУЗ-ийн гишүүнээс Э.Баясгаланг чөлөөлсөн. Тэгвэл оронд нь ЗГХЭГ-ын дэд дарга Д.Цолмонг томилох шийдвэр гаргасан байна.

Д.Цолмонгийн намтар гэвэл,

• 2010-2013 онд Говийн зам ХХК-д гэрээний мэргэжилтэн
• 2013-2016 онд Өмгөөллийн Батбаяр энд Партнерс ХХН-Ахлах хуульч
• 2016 онд Ерөнхийлөгчийн Тамгын газар-Гадаад бодлогын зөвлөхийн туслах
• 2016-2022 онд Хууль зүй, дотоод хэргийн яам-Хууль зүйн бодлогын газрын мэргэжилтэн, шинжээч, ахлах шинжээч
• 2022-2023 онд Хууль зүй, дотоод хэргийн яам-Хууль зүйн бодлогын газрын дарга
• 2023-2024 онд Нийслэлийн Засаг Даргын Тамгын газар-Нийслэлийн Засаг дарга бөгөөд Улаанбаатар хотын Захирагчийн хууль, эрх зүйн асуудал хариуцсан ахлах зөвлөх
• 2024 оны долдугаар сараас Засгийн газрын Хэрэг эрхлэх газрын Дэд даргаар ажиллаж байгаа.

Д.Цолмонгийн хувьд Оюу толгойн үр өгөөжийн нэмэгдүүлэх асуудлаар хөрөнгө оруулагч талтай хийсэн хэлэлцээрийн хоёр ч ажлын хэсэгт багтаж ажилласан аж.

Харин Э.Баясгалангийн хувьд чөлөөлөгдсөн гэдгээ хэвлэлээс л мэджээ. Түүнд оронд нь хүн томилсон хойно ч уг асуудлаар мэдэгдээгүй нь анхаарал татлаа. Э.Баясгаланг компанийн нууц мэдээллийг телевизийн ярилцлагад орохдоо дэлгэсэн хэмээн тодорхой арга хэмжээ авахыг хүссэн агуулгатай албан тоотыг "Оюу толгой" ХХК-ийн ТУЗ-ийн дарга Шон Хинтон Засгийн газарт ирүүлсэн байдаг.

Г.САНСАРМАА

Энэ мэдээнд өгөх таны үнэлгээ

Хуваалцаарай Жиргээрэй