Сүүлийн өдрүүдэд БНХАУ экспортын бараандаа 38%-ийн татвар нэмсэн гэх асуудал гараад байна. Энэ тухай, БНХАУ нь бүх хилийн боомтууд дээрээ гаалийн бүрдүүлэлт, татварын хяналтаа өндөрсгөсөн. Үүний улмаас Эрээний хил дээр Монголын ачаа, бараа бөөгнөрсөн гэдэг мэдээлэл цахим орчинд тархаад байгаа юм.
Үүнтэй холбогдуулан Эдийн засаг, хөгжлийн яамнаас "Үндэслэлгүй мэдээлэл. Хоёр улсын хооронд импорт, экспортын тариф тогтоохдоо заавал Засгийн газар хооронд хэлэлцээр хийдэг. Одоогийн байдлаар Монгол Улс-БНХАУ хооронд ийм хэлэлцээр хийгдээгүй байгаа" гэсэн тайлбарыг хийлээ.
Харин БНХАУ-ын хэвлэл мэдээллүүдээс хайлт хийж үзэхэд, "Газрын ховор металь болон бусад технологийн экспортод хязгаарлалт тавьсан" тухай мэдээллүүд л байгаа аж.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.