Дархан иргэдээ пүрэв гарагаас нэвтрүүлж, сурагчдаа танхимын давтлагад хамруулна

Дархан-Уул аймгийн Онцгой комисс өчигдөр 18:00 цагт хуралдан дараах шийдвэрүүдийг гаргалаа.

-Энэ сарын 06-ны өдрөөс нээгдсэн 16 чиглэлийн үйл ажиллагааг хэвийн үргэлжлүүлнэ.

-Хоёрдугаар сарын 1 хүртэл бүх төрлийн үйлчилгээний байгууллагууд 18 хүртэлх насны хүүхдэд үйлчлэхгүй хэвээр байна.

-Нэгдүгээр сарын 14-ний Пүрэв гарагаас эхлэн ЕБ-ын сургуулийн 12 дугаар ангийн 1241 сурагчийг танхимын давтлагад хамруулж эхэлнэ. Нэг ангид нэг дор 10 аас дээш тооны сурагчийг байлгахүй.

-Өмнөговь аймгаас бусад аймаг руу уул уурхайн ээлж солилцоогоор явах ажилчид тухайн байгууллагаасаа албан тодорхойлолт авч, асуумж бөглөн, коронавирусийн түргэвчилсэн шинжилгээнд хамрагдаж гарах, ирэх шийдвэр хэвээр.

-Аймаг доторх сумдын зорчих хөдөлгөөн нээсэнтэй холбоотой ачаалал эрс нэмэгдсэн тул 140, 141 дүгээр постуудад хүн хүч нэмэгдүүлэн ажиллана.

-Дархан-Уул аймаг руу орох, гарах иргэдийг энэ сарын 12, 13-нд smartdarkhan.com цахим хаягаар бүртгэн КОВИД-19-ийн шинжилгээнд хамруулан 14-ний Пүрэв гарагаас эхлэн зорчих хөдөлгөөнийг зохион байгуулна.

/Дарханы харьяат иргэд гарвал 60 хоног эргэж ирэхгүй байх нөхцөлтэй/

-Улаанбаатараас ирэх Дархан-Уул аймгийн харъяат иргэдийг бүртгэлд хамруулан Нийслэлийн ОК-той зөвшилцөн шийдвэрлэнэ.

-Сэлэнгэ аймгийн Сүхбаатар, Алтанбулагаас бусад аймгаас Дарханд ирэх иргэдийг асуумж болон түргэвчилсэн оношлуурын хариунд үндэслэн хүлээн авна.

-Ажилд шинээр орох болон ажил үйлчилгээг хэвийн явуулахад иргэдээс PCR шинжилгээний бичиг шаардахгүй.

-Дархан, Орхон, Хонгор, Шарын гол сумд хооронд хөдөлгөөнд оролцох иргэдийн хувьд нэг хүн 7 хоногт нэг удаа зорчих зарчмыг баримтална.Аймгийн хэмжээнд ард иргэд сар шинийн баярыг өргөн хүрээнд тэмдэглэхгүй.

Энэ мэдээнд таны өгөх үнэлгээ

Хуваалцах Жиргэх