Ардчилсан намын тамганы асуудлыг шүүх хурал үргэлжилж байна

Админ 2021-05-17

Ардчилсан намын тамганы асуудлыг шийдэх Захиргааны хэргийн давж заалдах шатны шүүх хурал өглөө 09.00 цагт эхэлсэн ч, гуравдагч этгээдийн зүгээс шүүх бүрэлдэхүүнийг татгалзан гаргах хүсэлт гаргасны дагуу завсарлаад байсан юм. Тэгвэл шүүгч эл саналыг татгалзсанаар шүүх хурал үргэлжиллээ.

Хэргийг эргэн сануулахад, УБЕГ-аас 2020 оны 12 дугаар сарын 25-нд С.Эрдэнэд АН-ын тамгыг шинээр олгосон шийдвэрийг энэ оны хоёрдугаар сарын 2-нд нийслэлийн Захиргааны хэргийн анхан шатны шүүхийн шүүгч захирамж гаргаж түдгэлзүүлсэн юм. Уг шийдвэрийг С.Эрдэнэ эсэргүүцэн гомдол гаргасан бөгөөд давж заалдах шатны шүүх хуралдаан ийнхүү болж байгаа билээ.

О.ЭНЭРЭЛ

Энэ мэдээнд таны өгөх үнэлгээ