Сангийн яамны ТНБД-аар Ж.Ганбатыг томилно
Өнөөдрийн /2022.01.19/ Засгийн газрын ээлжит хуралдаанаар төрийн захиргааны албан тушаалын хэд хэдэн томилгоо хийнэ.
Тодруулбал, Сангийн яамны Төрийн нарийн бичгийн дарга С.Наранцогтыг чөлөөлж, шинээр байгуулагдаж буй Эдийн засаг, хөгжлийн дэд сайдаар томилохоор МАН-ын Удирдах зөвлөл дэмжсэн тухай бид мэдээлсэн.
Харин Сангийн яамны Төрийн нарийн бичгийн даргын суудалд Сангийн яамны Төсвийн бодлогын газрын дарга Ж.Ганбатыг томилно гэх мэдээлэл байна.
Жигжидийн Ганбатын хувьд: Төрийн банкны 36 хувийг эзэмшиж, улмаар ТУЗ-ийн даргаар нь ажилладаг. Тэрбээр 2016 оноос Сангийн яаманд газрын даргаар ажилласан.
ХОМ: Өөрийнх нь орлого 69 сая, гэр бүлийнх нь орлого 13 сая, 263 саяын үнэ бүхий 2 орон сууц, 1 зуслангийн байшинтай, 159 саяын “лексус 350” машинтай, 32 саяын малтай, 2,5 саяын газартай, 6,5 саяын үнэт эдлэлтэй, 18 саяын хадгаламжтай, 90 саяын зээлтэй, “Эрдэнэс таван толгой” ХХК-д хувьцаа эзэмшдэг хэмээн мэдүүлжээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.