БОАЖЯ-аас цаг үеийн асуудлаар мэдээлэл хийлээ.
Энэ үеэр Усны газрын дарга З.Батбаярын өгсөн мэдээллээс онцлоход “Туул голын бохирдлыг бууруулах ажилд ахиц, дэвшил гарсангүй. Олон улсын түвшинд 6 дугаар бүлгийн буюу маш их бохирдолтой гэсэн үзүүлэлттэй байна.
Зайсангийн аманд 3 хотхоны иргэдийн уух усанд шинжилгээ хийхэд халуунд тэсвэртэй гэдэсний савханцар илэрсэн. Аливаа хүн бие засаж, ариун цэврийн өрөө ороод гараа угааж, энэ бодисоос сэргийлдэг. Гэтэл энэ бодис ундны уснаас илэрч байна гэж ойлгох хэрэгтэй.
Хоёр эх үүсвэртэй нэг нь нүхэн жорлон. Улаанбаатарт байгаа 680 мянган нүхэн жорлонгоос ундны ус бохирдож байна. Хоёрдугаарт, хамгаалалтын бүсийн асуудал. Нөгөө 50, 200 метр гэж яриад, нураана, нураахгүй гээд байгаа зүйл шүү дээ. Өөр арга байхгүй гэж хэлмээр байна.
Худаг ухдаг, худаг гаргадаг компаниуд стандартын дагуу хийж байна уу гэдэг хяналт шалгалтыг цаашид хийнэ. Иргэд зөвшөөрлийн дагуу худаг ухуулах ажлыг хийлгээрэй гэж зөвлөмөөр байна. Энэ нь таны, миний, бидний болон үр хүүхдийнхээ эрүүл, аюулгүй байдалтай холбоотой асуудал юм шүү.
Сэлбэ, Туул гол руу давсаар бохирдсон их хэмжээний цас оруулсан гэх мэдээлэл ирсэн, үүнийг бид шалгаж байгаа. Давстай цас гол руу орох нь нөгөө л бохирдлыг нэмэгдүүлж байгаа хэлбэр” гэв.
Б.ХАШ-ИЛД
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Зайсанд айлд очоод толгойгоо угаасны дараа үс бүүр шороон шуурганд явсан хүний үс шиг зунгааралдсан хачин болсон. Ус нь лав хэвийн биш ээ?
Оо д ороод гараа угаахгүй амар юм бишүү ккк
...хүн айлгаад байгаарай золиг минь
Ярьсаар байгаад хугацаа нь дууслаа,ажлаа хийгээчээ