МУГЖ, дуучин Н.Чулуунхүү таалал төгсжээ

Монголын нийтийн дууны урлагт өөрийн нэрийг мөнхөлсөн ард түмний хайртай дуучин, МУГЖ дуучин Н.Чулуунхүү таалал төгсжээ. Дунд сургуульд байх үеэсээ л урлагтай холбогдож ирсэн тэрбээр дуулна, бүжиглэнэ, ая зохионо гээд урлагийн арвин их авъяастай нэгэн байв. Хамгийн анх тэрээр Монгол хүн бүрийн аялах дуртай хайртай дууны нэг МУСГЗ П.Сандуйжав гуайн “Настан буурал эмээ” шүлгэнд ая зохиож дуучин Цэрэнчимэд агсан амьдруулан дуулсан нь олон хүмүүст хүрч Монголчууд энэхүү дуунд хайртай болсон юм.

Түүний “Цайныхаа дээжийг таньдаа барья”, ”Насны хань”, ”Хүмүүс минь амьдрах сайхан”,”Халагдах цэргийн вальс”,”Хүлээгээрэй” зэрэг олон гайхалтай дуу бий. Мөн түүний өөрийн дуулсан "Баярлана даа” , "Миний Монгол эх орон” , "Гайхуулж л явлаа” , "Заллага” , "Ээж нутаг хоёртоо очинодоо” зэрэг сайхан дуунууд нь "Монгол” хэмээх үгийг тодотгом, хүн бүхний сэтгэлд хоногшиж үлдсэн сайхан бүтээлүүд байдаг билээ.

Гавьяатын гэр бүл, төрөл төрөгсдөд нь гүн эмгэнэл илэрхийлье.

Энэ мэдээнд өгөх таны үнэлгээ

Хуваалцаарай Жиргээрэй