МАН-ын хяналтын ерөнхий хороо маргааш 11.00 цагаас ХААЛТТАЙ хуралдахаар товлосон тухай мэдээлэл цацагдаад байна.
Энэ талаар бид тус байгууллагаас тодруулахад "Хуралдах тухай асуудал яригдаагүй байна. Худал мэдээлэл" гэсэн хариултыг өгсөн юм. Харин хэвлэл мэдээллийн хэрэгслүүдээр болон эх сурвалжийн бидэнд өгсөн мэдээллээр хуралдахаар товлосон нь үнэн гэв. Хаалттай хуралдаанаа тус байгууллага ихэд НУУЦАЛЖ байгаагийн учир юунд байв.
Хуралдаанаар Хөгжлийн банкнаас зээл авсан, чанаргүй зээлдэгч нарт хариуцлага тооцох, намын гишүүдэд хариуцлага тооцох асуудлыг хэлэлцэж болзошгүй байна.
Хоёрдугаар сарын 11-нд болсон “Өөрөөр нь төлүүлье” хэлэлцүүлгийн үеэр МАН-ын Хяналтын ерөнхий хорооны дарга Б.Баярбаатар “МАН авлига, албан тушаалын хэрэг болон бусад гэмт хэрэгт холбогдсон нь хууль, хяналтын байгууллагаар тогтоогдоод, шалгагдаж эхэлсэн бол намын гишүүнээс түдгэлзүүлэхээр болсон. Энэ дагуу ёс зүйн алдаа дутагдал гаргасан бол зээлээ төлсөн төлөөгүй байх нь хамаарахгүй хариуцлага тооцно" хэмээн ярьж байсан билээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.