Туркийн Ерөнхийлөгч Режеп Тайип Эрдоган улс орны зүүн өмнөд нутгаас газрын тосны орд илрүүлсэн талаар мэдээллээ. Шинээр нээгдсэн ордын шууд ашиглаж болох нөөц нь 150 сая баррель, мөнгөн үнэлгээ нь одоогийн ханшаар 12 тэрбум ам.доллар болохыг тэрбээр онцолсон байна.
Анкара сүүлийн үед газрын тосны нөөцөө нэмэгдүүлэх талаар ихээхэн анхаарч, шинэ ордуудыг ч олноор олж буй. Р.Т.Эрдоган мэдэгдэлдээ “Энэ удаагийн орд 2022 онд хуурай газраас илрүүлсэн ордууд дотроос нөөцөөрөө эхний 10-т орно” гэсэн нь үүний нэг баталгаа юм.
Турк улс өдөрт 100 мянган баррель нефть олборлодог болох зорилт дэвшүүлээд байгаа бөгөөд зорилтдоо ойрын хугацаанд хүрч чадахаар байгаа юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.