Ахин нэг амралтын өдөр нэмэгдсэнээр МОНГОЛЧУУД ЖИЛД 140 ХОНОГ АМАРНА

Өнгөрсөн баасан гарагт /2019.12.20/ УИХ-ын чуулганаар Бурхан багшийн Их дүйчин өдрийг нийтээр тэмдэглэх өдөр болгон амарч байхаар хуульчиллаа. Ингэснээр Монгол улс жилийн 365 өдрийн 140 хоногт амарч байхаар болж байгаа юм.

Тодруулбал, Нийтээр тэмдэглэх баярын болон тэмдэглэлт өдрүүдийн тухай хуулийн 4, 5 дугаар зүйлд зааснаар:

4.1.1.Үндэсний их баяр наадам, Ардын хувьсгалын ойн баяр: 7 дугаар сарын 11, 12, 13, 14, 15;

4.1.3.Цагаан сар: билгийн тооллын хаврын тэргүүн сарын шинийн 1, 2, 3;

4.1.4.Шинэ жил: 1 дүгээр сарын 1;

4.1.5.Олон улсын эмэгтэйчүүдийн өдөр: 3 дугаар сарын 8;

4.1.6.Хүүхдийн баяр: 6 дугаар сарын 1.

 4.1.7.Үндэсний эрх чөлөө, тусгаар тогтнолоо сэргээсний баярын өдөр: 12 дугаар сарын 29.

4.1.8.Их Эзэн Чингис хааны өдөр: Их Эзэн Чингис хаан мэндэлсэн билгийн тооллын өвлийн тэргүүн сарын шинийн 1.

4.1.9.Бүгд Найрамдах Улс тунхагласан өдөр: 11 дүгээр сарын 26.

Үүнээс харахад Монголчууд бүх нийтээр амарч, тэмдэглэдэг 15 өдөртэй боллоо. Үүн дээр долоо хоногийн амралтын хоёр өдрийг оруулан тооцвол бид 365 хоногийн 119 хоногт нь буюу 32 хувьд нь амарч байгаа юм. Тодруулбал, нэг жилд 365.25 хоног байдаг гэвэл дунджаар 52 долоо хоногоос бүрддэг.  Үүн дээр ээлжийн амралтын ажлын 14 хоног буюу амралтын өдрүүдийг тооцсон 21 хоногийг нэмбэл иргэд жилдээ 140 хоног амарч өнгөрүүлдэг байна.

Энэ мэдээнд өгөх таны үнэлгээ

Хуваалцаарай Жиргээрэй