“COVID-19” халдвараас урьдчилан сэргийлэх зорилгоор Ерөнхий боловсролын сургуулийн сурагчдаас анги дэвших болон улсын шалгалт авахгүй байхаар БСШУСЯ-наас шийдвэрлэжээ.
Энэ талаар БСШУС-ын сайд Ё.Баатарбилэгээс тодрууллаа.
Тэрээр “Хөл хорионы улмаас ЕБС-иудын таван долоо хоногийн хичээл тасалдаж байгаа тул тал хувийг нь теле хичээлээр нөхөж байгаа. Үлдсэн талыг нь дөрөв болон тавдугаар саруудын бямба гарагт, гуравдугаар улирлын амралтын долоо хоногт хичээллэж нөхнө. Мөн Улсын шалгалт авахгүй учир шалгалтын долоо хоногийг хичээлийн долоо хоногт шилжүүлсэн. Учир нь улсын шалгалтыг заавал үзэх гурваас дөрвөн хичээлээр авдаг. Тэгэхээр сурагчид зөвхөн шалгалтын хичээлүүд дээр анхаарч, бусад хичээлээ орхигдуулах эрсдэлтэй байна. Иймд сурагчдын жилийн эцсийн үнэлгээг явцын дүн болон дөрөвдүгээр улирлын хичээлийн үнэлгээгээр тооцох нь зөв гэсэн байр суурьтай байна ” гэлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
зөв бодлого хэрэгжүүлж байна. Дүнгийн төлөө сурдаг системээс салах хэрэгтэй.