Япон улсын “The Mainichi” сонин гадаад хэргийн саяд Мотеги Тошимицү Монгол Улсад айлчлах тухай мэдээлсэн байна. Айлчлалын хүрээнд манай Ерөнхий сайд У.Хүрэлсүх, Гадаад хэргийн сайд Н.Энхтайвантай уулзалт хийх аж.
Сонирхолтой нь, Хойд Солонгосын талд хулгайлагдсан гэх япон иргэдийг нутагт нь буцаан авчрах ажилд Монгол Улсыг хамтран ажиллаж, зуучилж ажиллах санал тавих юм байна. Шинзо Абэгийн ажлыг авсан Сүга Ёшихидэ энэ асуудал дээр өөрийн бүх хүчин чадлаа дайчлан ажиллана гэдэг байр сууриа нээлттэй илэрхийлдэг.
Айлчлалын тов одоогоор тодорхойгүй байна. Харин сануулахад, аравдугаар сарын 7-нд АНУ-ын Төрийн нарийн бичгийн дарга Майк Помпео манай улсад мөн айлчлахаар болоод буй билээ.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Энхтайван сайд гадаад харилцааны олигтой мэдлэггүй байж, өндөр соёлтой орноос хүн уриад онигоо хусах вий ээ