“Pfizer/BioNTech”-ийн бүтээсэн вакциныг олон орнууд дархлаажуулалтын аяндаа ашиглах болсон билээ. Тэгвэл Норвегид “Pfizer/BioNTech”-ийн вакциныг хийлгэсэн 23 хүн нас барсан хэмээн тус улсын Эмийн агентлаг мэдээлсэн байна. Тус агентлагийн мэдээлснээр бол вакцины үзүүлсэн гаж нөлөө архаг өвчтэй хүмүүсийн эмгэгийг илүү хүндрүүлсэн байж магадгүй хэмээжээ. Гэхдээ үгүй ч байж болно гэдгийг дурдсан байна.
Нас барсан хүмүүс бүгд 80-аас дээш насны дархлаа султай хүмүүс байсан юм. Норвегийн Эмийн агентлагийн төлөөлөгч Штайнар Мадсен Норвегийн “RK” телевизэд ярилцлага өгөхдөө “Эдгээр тохиолдлууд сэтгэл түгшээхгүй байна. Энэ вакцины эрүүл мэндийн байдал муу өндөр настай өвчтөнүүдэд үзүүлэх сөрөг нөлөөг эс тооцвол маш бага хэмжээний аюул учруулдаг гэдэг нь тодорхой болсон” хэмээжээ.
Норвеги улсад коронавирусийн эсрэг вакцинжуулалтын аяныг өнгөрсөн сарын 27-ны өдрөөс эхлүүлсэн. Осло хотын ахмадын асрах газрын оршин суугчид хамгийн эхэнд дархлаажуулалтад хамрагдсан байна. Одоогийн байдлаар тус улс 25 мянга гаруй иргэдээ вакцинжуулаад байгаа юм.
Эх сурвалж: eurnews, see.news
Б.БУЯНДОРЖ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
ер нь байг�##�ын ш�##�гарлыг хүчээр явуулаад байгаа юм бишүү. бие султай хөгшин настай хүмүүсийг дэлхий даяар цөөлөх бодлого. хүнсний хомсдол агаарын бохирдол нтр асууд�##� болсон хүмүүс шүү дээ.