Өнөөдөр бүтэн өдрийн турш Төв талбайд иргэд тайван жагсаал хийх замаар эсэргүүцлээ илэрхийлж, Шадар сайд Я.Содбаатар, Эрүүл мэндийн сайд Т.Мөнхсайхан тэргүүтэй албан тушаалтнуудыг огцрохыг шаардаад байгаа юм.
Үүнтэй холбогдуулан, Засгийн газраас 19:00 цагт албан ёсоор мэдээлэл хийх тов зарлаад буй. Бид өмнө нь мэдээлсэнчлэн, НЭМГ-ын дарга Л.Төмөрбаатар, ХӨСҮТ-ийн дарга Д.Нямхүү, Өргөө амаржих газрын дарга Г.Баясгалан нарыг чөлөөлөх шийдвэр гаргасан.
Улмаар Ерөнхий сайдын зүгээс Шадар сайд Я.Содбаатар, Эрүүл мэндийн сайд Т.Мөнхсайхан нарыг ажлаа өгөхийг шаардсан талаарх эх сурвалжийн мэдээллүүд давхцаж байна. Т.Мөнхсайхан сайдын хувьд ажлаа өгөх асуудлаар татгалзсан санал хэлээгүй гэх бөгөөд Я.Содбаатар харин эсрэг байр суурьтай буй гэх мэдээлэл байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.