Засгийн газрын өнөөдрийн хуралдаанаар Хөдөлмөр, нийгмийн хамгааллын сайд Т.Аюурсайханыг чөлөөлөх Ерөнхий сайдын захирамж гарсан байна. Уг захирамжийг яаралтай дэгээр УИХ-аар хэлэлцэх чигтэй байна.
Т.Аюурсайхан нь өнгөрөгч сард нүүрсний хэрэгтэй холбогдуулан, сайдын албан тушаалаасаа чөлөөлөгдөх хүсэлтээ танхимын тэргүүндээ хандан гаргаад байв. Харин өчигдөр УИХ-ын гишүүн Т.Аюурсайхан, Н.Наранбаатар, Д.Бат-Эрдэнэ нарын бүрэн эрхийг түдгэлзүүлэх хүсэлтийг Улсын ерөнхий прокурорт гаргана гэдгээ тодотгосон юм. Үүнээс өмнө УИХ-ын гишүүн Ж.Мөнхбат гишүүний бүрэн эрхээсээ түдгэлзэн, шалгуулах хүсэлтээ гаргасан.
Эрх баригч намын зүгээс Улсын ерөнхий прокурораас түдгэлзүүлэн шалгах хүсэлт УИХ-д ирээгүй байх үед нь асуудалтай гишүүдээ түдгэлзүүлэх тактик барьж барьж буй юм.
Г.ИТГЭЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.