Цаг уур, орчны шинжилгээний газраас Дорнод аймагт түймрийн эрсдэл өндөр байгаа талаар мэдээлсэн байна. Мөн Дорнод, Хэнтий, Сүхбаатар, Сэлэнгэ, Булган, Хөвсгөл, Увс аймагт ч тодорхой эрсдэл байгаа аж.
Харин Дорнод аймгийн Ус цаг уур, орчны шинжилгээний төвөөс хуурайшилтын зэрэглэлээ тооцоолсон түймрийн эрсдэлийн үнэлгээгээ танилцуулахад, ихэнх сумд дунд зэрэг, зарим сумд аюултай түвшинд байна.
Тодруулбал, дөрөвдүгээр сарын 14-ний байдлаар Чойбалсан хот, Халхгол, Матад, Баянтүмэн, Булган, Хөлөнбуйр, Сэргэлэн, Гурванзагал сумдад түймрийн эрсдэл аюултай түвшинд байгаа аж.
Ойрын өдрүүдэд ихэнх нутгаар салхи, шуурга ихтэй байх тул ойн аж ахуйн арга хэмжээ, аялал зугаалга, агаар салхинд гарах зэргээр ой, хээрт зорчихдоо шүдэнз, татсан гал, цог, нурмыг бүрэн унтрааж болзошгүй түймрийн эрсдэлээс урьдчилан сэргийлэхийг онцгойлон анхааруулж байна.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Малчин гамшигт өртвөл өдөрт нь мөнгө цуглуулаад хохирлыг нөхөөд өгнө, сум, аймаг, хотын иргэд гамшигт өртвөл хохь нь гэдэг миний монгол түмэн