С.Гал-Эрдэнийн хахууль өгсөн хэргээр сонссон 2 жилийн ялыг давж заалдах шатны шүүх хүчингүй болгов
Булган аймгийн ИТХ-ын төлөөлөгч, тэргүүлэгчээр ажиллаж байсан “Хангай констракшн” компанийн удирдах албан тушаалтан С.Гал-Эрдэнэд /2025.02.10/ анхан шатны шүүхээс хахууль өгсөн гэм буруутайд тооцон хоёр жилийн хорих ял оноосон. Иймд тэрбээр анхан шатны шүүхийн шийдвэрийг эс зөвшөөрч, давж заалдах шатны шүүхэд хандсан байдаг.
Улмаар С.Гал-Эрдэнэ нарт холбогдох хэргийн давж заалдах шатны шүүх хурал өчигдөр /2025.03.27/ Нийслэлийн Эрүүгийн хэргийн Давж заалдах шатны шүүхэд болж, шүүхээс С.Гал-Эрдэнэд хоёр жилийн хорих ял оноосон анхан шатны шүүхийн шийтгэх тогтоолыг хүчингүй болгож шийдвэрлэжээ.
Эргэн сануулахад, 2023 оны аравдугаар сарын 13-нд Булган аймгийн ИТХ-ын төлөөлөгч С.Гал-Эрдэнэ цагдаагийн ажилтанд авлига өгсөн гэх хэргээрээ АТГ-т шалгасан. Түүний хувьд 2023 оны долдугаар сард гэр бүлийн хүчирхийлэл үйлдэж, Хан-Уул дүүргийн цагдаагийн 2-р хэлтэст шалгагдаж байхдаа алба хаагчийн хамаарал бүхий хүний данс руу мөнгө шилжүүлж хэргээ хаалгуулахаар хандсан болох нь тогтоогдсон байдаг.
З.УЧРАЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
прокурор эсэргүүцэл бинэ биз дээ