УОК-ын шийдвэрээр саун, бассейн, бялдаржуулах төвүүдийн үйл ажиллагааг хязгаарласан 10 хоногийн хугацаа өнөөдрөөр дуусаж байна. Ингэснээр иргэд ийм төрлийн байгууллагуудаар халдвар, хамгааллын дэглэмээ барин үйлчлүүлэх боломжтой боллоо.
Зургадугаар сарын 23-нд УОК-ын ээлжит хуралдаан болж, саун, бассейн, бялдаржуулах төвүүдийн үйл ажиллагааг 10 хоног хязгаарлахаар шийдвэрлэсэн. Мөн хоол үйлдвэрлэлийн салбарын ААН-үүдийг танхимын үйлчилгээг долоо хоногоор үргэлжлүүлэн хязгаарласан.
Маргааш нь ресторан, хоолны газрууд энэ шийдвэрийг эсэргүүцсэнээр хариуцлагын гэрээ байгуулсны үндсэн дээр танхимын үйл ажиллагааг нь нээсэн. Өнөөдрөөс саун, бассейн, бялдаржуулах төвүүдтэй ч мөн хариуцлагын гэрээ байгуулж, үйл ажиллагааг нь нээж байгаа юм.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.