УИХ-ын Эдийн засгийн байнгын хорооны дарга асан Д.Дамба-Очир Оюутолгойн гэрээний хэрэгжилтийг шалгасан ажлын хэсгийн дүгнэлтийг “Оюутолгой” ХХК-д хүргүүлсэн байдаг. Тэрээр “Оюутолгой” компаниас хүсэлт ирсэн учраас 43 хуудас материал хүргүүлсэн” гэж сэтгүүлчдэд тайлбарласан юм.
Тухайн үед ажлын хэсгийн дүгнэлтээс гадна АТГ-аас гаргасан Оюутолгойн асуудлаарх шалгалт, Үндэсний аудитын газраас гаргасан дүгнэлт тэргүүтэй материалыг УИХ-ын гишүүдэд “НУУЦ”-ын зэрэглэлээр тараахаар бэлтгэсэн байсан. Тиймээс ч Д.Дамба-Очир гишүүний “Оюутолгой” руу илгээсэн бичиг дунд нууцын зэрэглэлд багтсан материал хамт явсан уу гэх асуудал хардлага дагуулаад байгаа юм.
Эх сурвалжийн зүгээс Д.Дамба-Очир гишүүнийг Тагнуулын байгууллагаас шалгаж байгаа, уг асуудал нууцын түвшинд яригдаж гэж мэдээлэв.
Г.ИТГЭЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.