Сүхбаатар аймгийн Эрдэнэцагаан суманд аянга буусны улмаас хээрийн түймэр гарчээ. Энэ үеэр 10.5 га талбай шатсан гэж албаныхан мэдээлж байна. Хээрийн түймрээс болж мал болон эд хөрөнгөөр хохирсон тохиолдол бүртгэгдээгүй байна.
Тодруулбал, Эрдэнэцагаан сумын Хадын булаг багийн "Шовголдой" нэртэй газар зургадугаар сарын 28-ны өдөр 18:00 цагийн орчимд аянга бууж, хээрийн түймэр гарсан дуудлагыг 18:06 цагт аймгийн Онцгой байдлын газарт мэдэгджээ. Мэдээллийн дагуу Сүхбаатар аймгийн Онцгой байдлын газрын Эрдэнэцагаан сум дахь Гал түймэр унтраах, аврах 47 дугаар ангийн алба хаагчид 70 км зам туулж, 20:05 цагт очин, Дорнод аймгийн Матад сумын Засаг даргын Тамгын газрын ажилтнуудтай хамтран ажилласан байна.
Түймрийг зургадугаар сарын 29-ний өдрийн 02:25 цагт бүрэн унтрааж, алба хаагчид өглөө 09:00 цаг орчимд ирсэн. Хээрийн түймэр 20 км урттай, 5 км өргөн талбайд тархсан байсныг алба хаагчид бүрэн унтраажээ.
Э.ҮҮРИЙНЦОЛМОН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.