33 настай гал сөнөөгч Али Чакас Туркийн Нурдаги хотын нурангиас энэ муурыг гаргаж авчээ. Аврагч залуу хоол, ус өгөөд эрлээ үргэлжлүүлэхэд муур түүнээс салсангүй. Тиймээс аврагчид мууранд Туркээр "хагархай" гэсэн утгатай Энказ гэх нэрийг өгч, эзэн нь гарч ирж магадгүй гэж хэсэгтээ найджээ. Гэвч хөөрхий мууранд Алигаас өөр эзэн гарч ирээгүй учир өргөж авахаар шийджээ. Багийнхаа аврах ажлын завсарлагааны үеэр Энказ Алигийн мөрөн дээр аз жаргалтай сууж байгаа нь сэтгэл хөдөлгөсөн зургууд дэлхийн амьтанд хайртай хүмүүст хүрч гал сөнөөгч залуугаар бахархаж, баярласнаа илэрхийлсээр байна. "Бид бие биенээ тэврээд энэ зовлонг даван туулах болно" гэж Али Энказыг үрчлэн авах шийдвэр гаргахдаа хэлжээ.
Б.БАЯРТ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.