УИХ-ын 2023 оны намрын ээлжит чуулган 75 хоног хуралдаж, хоёр хоногийн өмнө хаасан билээ. Энэ хугацаанд 224 хууль, 62 тогтоол баталсан.
Тэгвэл сар шинийн баярын өмнө буюу хоёрдугаар сарын 05-нд УИХ-ын чуулганыг ээлжит бусаар хуралдуулах тов гарсан гэх мэдээлэл цацагдаад байна.
Тодруулбал, УИХ-ын ээлжит бус чуулганы хуралдаанаар Эрдэнэс Тавантолгой хувьцаат компанийн хувьцаа эзэмшигчдэд ногдол ашиг тараах асуудлыг хэлэлцэнэ гэгдэж буй юм.
УИХ-ын нийт гишүүдийн гуравны нэгээс дээшхийн шаардлага болон Ерөнхийлөгч, УИХ-ын даргын санаачилгаар ээлжит бус чуулганыг хуралдуулж болох хуулийн зохицуулалттай. Энэ дагуу эхлээд МАН-ын бүлэг хэлэлцэж шийдвэр гаргаад УИХ-ын даргад уламжилж болдог.
Одоогоор МАН-ын бүлэг болон УИХ-ын Тамгын газоын аль алинд нь ээлжит бус чуулганыг зарлан хуралдуулах тухай мэдээлэл албажиж гараагүй байгаа аж.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.