Ерөнхийлөгчийн Хууль зүйн бодлогын зөвлөхөөр Р.Батрагчааг томилжээ

Ерөнхийлөгч У.Хүрэлсүх өчигдөр /2024.01.25/ Хууль зүйн бодлогын зөвлөхөөрөө Р.Батрагчааг томилжээ.

Уг томилгоотой холбогдуулан Р.Батрагчааг Шүүхийн Ерөнхий Зөвлөлийн /ШЕЗ/ Гүйцэтгэх нарийн бичгийн даргын ажлаас чөлөөлсөн байна.

Ерөнхийлөгчийн Хууль зүйн бодлогын зөвлөхөөр томилогдсон Р.Батрагчаагийн эзэмшсэн боловсрол:

• 1995-1999 онд “Отгонтэнгэр” Их Сургууль, Олон улсын эрх зүйч /бакалавр/
• 2000-2002 онд МУИС-ийн Хууль зүйн сургууль, Хууль зүйн магистр
• 2004-2005 онд Их Британийн Нью Коллеж Ноттингам, Өмгөөллийн 6-р шатны дээд курс
• 2008-2009 онд Удирдлагын академи, Төрийн удирдлагын менежмент /диплом/.

Ажилласан байдал:

• 1999-2000 онд Сэлэнгэ аймгийн Зүүнхараа дахь Сум дундын прокурорын газарт хяналтын прокурор.
• 2001-2003 онд “Түшээ” хууль зүйн дээд сургуульд Эрх зүйн тэнхимийн багш
• 2005-2006 онд Их Британийн Берримен хуулийн фирмд туслах хуульч
• 2007-2008 “Датамо” ХХК болон “Кью Жи Экс Монгол” ХХК-д хуульч
• 2008-2009 онд “Монголиан энд Глобал Лоёорс” хуулийн фирмийн гүйцэтгэх захирал, хуульч
• 2010-2014 онд “Эй энд Эй Глобал” хуулийн фирмийн захирал, өмгөөлөгч
• 2012 оноос дэлхийн шүүхийн мэтгэлцээний аварга шалгаруулах “Jessup Cup” тэмцээний шүүгч
• 2013-2016 онд Өмгөөллийн “Эй энд Эй Партнерс” хуулийн фирмийн захирал, өмгөөлөгч
• 2016-2019 онд Төрийн орон сууцны корпораци ТӨҮГ-ын Захиргаа, санхүүгийн газрын дарга
• 2019-2020 онд Нийслэлийн засаг даргын тамгын газрын дарга
• 2020-2022 онд Эрчим хүчний яамны Төрийн захиргааны удирдлагын газрын дарга
• 2022 оны нэгдүгээр сарын 6-ны өдрөөс ШЕЗ-ийн Гүйцэтгэх нарийн бичгийн даргаар томилогдон ажиллаж байжээ.

Өнөөдрийн байдлаар Ерөнхийлөгч арван зөвлөхтэй байна. 

Өөрийн сэтгэгдлээ илэрхийл

Share Tweet