Тодруулга: “Орано Майнинг” компанийн нэг тэрбум төгрөгийн хандивын шилжүүлэг ХИЙГДЭЭГҮЙ БАЙНА
Монгол Улсад шинэ төрлийн коронавирүсийн халдварын анхны тохиолдол Францын иргэнээс илэрсэн. Үүнтэй холбогдуулан, Франц Улсын элчин сайдын яамнаас төр засгийн хүрээнд хэд хэдэн уулзалт зохион байгуулсан билээ. Энэ үеэрээ тус улсын “Орано Майнинг” компаниас Улсын онцгой комисст нэг тэрбум төгрөг хандивлаж буйгаа мэдэгдсэн юм.
Улсын онцгой комисст хандивлаж буй мөнгөн тусламжууд ОБЕГ-ын тусгай дансанд төвлөрдөг аж. Ихэнх тохиолдолд мөнгөн тусламж өгөгчид шилжүүлгээ хийсний дараа олон нйтэд зарлах байдлаар хандивын аян өрнөж байгаа талаар албаныхан тодотгов.
Харин Франц улсын “Орано Майнинг” компанийн амласан нэг тэрбум төгрөгийн тухайд хараахан шилжүүлэг орж ирээгүй байгаа аж. Учир нь, тус компанийн захирлууд монгол хөл хорионд ороод байгаа учир мөнгөн шилжүүлэг хийх боломжгүй нөхцөл байдал үүссэн талаар холбогдох албаныхан тодотгов.
Г.ИТГЭЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
ХА ХА МОБАИЛДЧИХААЧ
Hahahaha