Оюу толгойн түр хороо: Зээлийн хүү, "Онтрэ"-гийн асуудлыг нэгтгэж, энэ сарын сүүлээс хэлэлцээг албан ёсоор эхлүүлнэ
Оюу толгойн асуудлаар байгуулагдсан УИХ-ын түр хороо өнөөдөр,
- "Оюу толгой" ХХК-ийн ТУЗ-ийн дарга, гишүүд, гүйцэтгэх удирдлагын багийн танилцуулга, мэдээлэл сонсох
- Зээлийн хүүг бууруулах ба "Онтрэ"-гийн лицензийг шилжүүлэх асуудлаар байгуулагдсан Засгийн газрын ажлын хэсгийн явцыг мэдээллийг сонсох ёстой байсан.
Гэвч "Оюу толгой" ХХК-ийн төлөөлөл хуралдаанд энэ удаа ч бас ирсэнгүй. Иймд үлдсэн хоёр асуудал буюу Засгийн газраас байгуулагдсан ажлын хэсгийн мэдээллийг сонслоо.
Ажлын хэсгийг төлөөлж АҮЭБ-ийн сайд Г.Дамдинням, "Эрдэнэс оюу толгой" ХХК-ийн захирал Э.Ганхүү нар товч мэдээлэл өгсөн. Тэдний зүгээс зээлийн хүү ба "Онтрэ"-гийн асуудлыг нэгтгэж, "Рио Тинто" компанитай энэ сарын сүүлээр албан ёсоор хэлэлцээ хийж эхлэхээр тохирсныг мэдээллээ.
Сарын сүүлээр "Рио Тинто"-гийн талаас 10 хүний бүрэлдэхүүнтэй ажлын хэсгээ илгээх юм байна.
Зээлийн хүүгийн тухайд зургаан өөр боломжит хувилбар боловсруулсан. "Онтрэ"-гийн талаас Монголын талын байр суурийг авалгүй, 20/80 байдлаар лиценз эзэмших тохироонд хүрсэн. Үүнийхээ 20 хувь дээр хэлцэл хийе гэснийг Засгийн газар хүлээн зөвшөөрөөгүй бөгөөд, 100 хувь дээр хэлцэлд орно гэдэг байр сууриа тодорхой илэрхийлсэн гэлээ.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Хулгайч луйварчин Их хурлыг авилгадаж гэрээ хийсэн Рио тинтог хөөж гарга.ямарч хян�##�тгүй монролын баялагыг үнэгүй зөөж өрөнд оруулж бн.
Авилгадаж гэрээ хийсэн Рио тинтог хөөж гарга.Монголын баялагыг үнэгүй зөөж өрөнд оруулж бна.