Нагорный-Карабахын зурваст болоод буй Армени, Азербайжан хоёр улсын зэвсэгт мөргөлдөөн өнгөрсөн ням гарагаас (2020.09.27) хойш үргэлжилж байгаа билээ. Мөргөлдөөн энэ байдлаараа үргэлжилсээр байвал хоёр улсын хооронд дайн гарах магадлалтай гэгдэж буй.
Хойд Кавказын бүс нутагт уг мөргөлдөөн өрнөж байгаа юм. Тус газарт дэлхийн зах зээлд гаргадаг газрын газрын тосыг зөөвөрлөх хоолой байдаг, ийм учир хоёр улсын мөргөлдөөн хурцадвал ойролцоох бүс нутгийн цэргийн хүч (Орос, Турк) оролцож болзошгүй юм.
Турк улсын нийслэл Анкарагаас мэдээлэхдээ, “Бид хэрэгтэй зүйлийг хийх болно” гэсэн нь “НАТО” – ийн холбоотнуудыг ихэд түгшээж байгаа юм. Туркийн байр суурийг Франц улсын ерөнхийлөгч Эммануэл Макрон шүүмжилж “Дайныг өдөөн хатгасан” хэмээжээ.
Б. БУЯНДОРЖ
